कुंभार - एक गुरु

कुंभारासारखा गुरू नाही रे जगात
वरी घालितो धपाटा, आत आधाराला हात।
तुडवी तुडवी मग हाते कुरवाळी
ओल्या मातीच्या गोळ्याला येई आकृती वेगळी ।
घट जाती थोराघरी,
घट जाती राऊळात
कुणी चढून बसतो गावगौरीच्या मस्तकी
कुणी मद्यपात्र होतो रावराजांच्या हस्तकी।
आव्याताली आग नाही पुन्हा आठवत
कुणी पुजेचा कलश, कुणी गोरसाचा माथ
देता आकार गुरूने ज्याची त्याला लाभे वाट
अघात पावती प्रतिष्ठा गुरू राहतो अज्नात
कवी - ग. दि. माडगूळकर